Tơdơi lu wot dăp hơdră, pơkra ming, pơhrua nao, lom lơ 4/4, ƀơi plơi prong Kon Tum, Grŭp pơtô bruă Ping gah tơring čar Kon Tum pơphun Bơkơtuai gum pơhiăp kơ bôh yôm hră čih pơhră hơdrôm hră “Čih glăi gru grua tơring čar Kon Tum rơwang 1471-2021” kiăng anăp nao bruă in tơglit. Hră čih pơkra tal 2 hơdrôm hră “Čih glăi gru grua tơring čar Kon Tum rơwang 1471-2021” hmâo rơnoh kơpal rơbêh kơ 700 plăng.

Hơdrôm hră čih mă mơng thun 1471 pok phun rơnuk pơtao Lê in tơglit guai wai lăng kual Čư̆ Siăng. Bôh yôm hơdrôm hră hmâo 3 črăn phun lĕ hơdôm gru grua mơng tơring čar Kon Tum pơpha jing 3 rơnuk. Hăng tơlơi čang rơmang hơdrôm hră Čih glăi gru grua tơring čar Kon Tum rơwang 1471-2021 lĕ sa gru lăi pơthâo abih bang, lu mơta lom pơdŏng hăng pơđĭ kyar tơring čar Kon Tum, Grŭp dăp hơdră hơdrôm hră pơpŭ tŭ mă lu tơlơi gum pơhiăp lăp djơ̆ pơhrua nao dong hơdôm gru grua ƀuh rơđah hloh, gru grua hmâo tơhnal pơplih mơng tơring čar, mơng gơnong bruă găn rơgao hơdôm rơnuk...

Hluai tui anun hơdôm bôh yôm gum pơhiăp, Grŭp dăp hơdră hơdrôm hră amra dăp hơdră, pơkra ming, pơhrua nao kiăng lom in tơglit mơnuih lăng dưi thâo hăng lu gru nam pơđom pioh samơ̆ ăt ƀuh mơn abih bang kual lŏn, ană mơnuih, bôh thâo, gru grua đưm mơng tơring čar Kon Tum amăng rơwang gru grua đưm./.