Gia Lai: Rơbêh 3.000 čô mơnuih mut hrŏm Hrơi đuăi Olympic yua kơ tơlơi suaih pral abih bang mơnuih ƀôn sang, yua tơlơi rơnuk rơnua lŏn ia
Thứ hai, 10:32, 23/03/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Mơguah lơ 22/3, ƀơi tơdron lăk Nguyễn Tất Thành (phường Quy Nhơn), gơnong bruă gru grua, bơrơguăt drơi jăn hăng tuai čuă ngui gum hrŏm hăng kông ang tơring čar Gia Lai pơphun hrơi đuăi Olympic yua tơlơi suaih pral abih bang mơnuih ƀôn sang, yua tơlơi rơnuk rơnua lŏn ia thun 2026.
Đĭ pơhiăp amăng mông pơphun, Đạit tá Ngô Cự Vinh, kơ-iăng Khua kông ang tơring čar Gia Lai lăi pơtong, hrơi đuăi anai ƀu djơ̆ kơnong lĕ bruă bơrơguăt drơi jăn đôč ôh mơ̆ ăt ba glăi tơlơi yôm amăng bruă kơđi čar, pơgôp hrưn đĭ tơlơi pơmĭn, pơjing tơlơi hơdip hiam klă, yua kơ dêh čar Việt Nam pơđĭ kyar hơđong kjăp.
Tơdơi kơ mông ngă lơphet, pơphun đuăi kiăng kơ mut hrŏm hrơi đuăi Olympic yua kơ tơlơi suaih pral abih bang mơnuih ƀôn sang thun 2026, hăng tơlơi mut hrŏm mơng giăm 3.000 čô mơnuih. Tui anun, glông jơlan đuăi mơng tơdron lăk Nguyễn Tất Thành, đuăi nao truh jơlan dar Nguyễn Tất Thành-Trường Chinh, tơdơi anun lĕ pơwot glăi pơ tơdron lăk Nguyễn Tất Thành, hăng glông abih tih giăm 2 km.
Viết bình luận