Jơnum ngui pơphun hur har hăng lu tơlơi adôh suang phara, djă jă gru grua bôh thâo đưm djuai ania. Giăm hmâo 700 čô mơnuih mơ̆ng 23 grŭp adôh suang gah 21 bôh să, phường amăng plơi prong Buôn Ma Thuột hmâo gum hrŏm pơdah giăm truh 120 mơta tơlơi adôh suang. Hăng hơdôm tơlơi adoh sa čô mơnuih, dua čô mơnuih, grŭp lu mơnuih adôh suang, pĕ gông atông brô̆, tơlơi adôh đưm, suang đưm, adôh then.

Hơdôm črăn hơdră hmâo pơdah laih lu bôh yôm bơni kơ Ping gah, Wa Hồ, tơlơi kiăng khăp kơ plơi pla, lŏn ia, phiăn juăt ngă hơkrŭ hăng tơlơi čang rơmang pơdŏng plơi pla pơdrŏng asah, thâo rơgơi. Pơđut mông jơnum ngui, grŭp pơphun bruă jơnum ngui hmâo ƀơk laih 46 pri A, B, C hăng pri pơsur kơ hơdôm tơlơi adôh suang mơ-ak hloh. Ƀơk 11 pri kơ abih bang grŭp kơ hơdôm anom hmâo lu črăn adôh suang ba glăi bôh tơhnal prong hăng bă kơ hơdôm bôh yôm tui phiăn pơplông./.