Kơ-iăng Khua dêh čar ơi Lê Thành Long hrŏm hăng lu khua git gai hơdôm Ding jum, gơnong bruă hăng ƀôn prong Hải Phòng nao pơhmư̆ mông pok phun. Pơhiăp amăng mông ngă lơphet, Khua Ding jum pơtô pơhrăm ơi Nguyễn Kim Sơn brơi thâo, găn rơgao rơbêh kơ 40 thun pơjing hăng pơđĭ kyar, Bruă jơnum bơkơjăp drơi jăn đơ đam dêh čar tal X jing Jơnum ngui bơkơjăp drơi jăn prong gah čơđai sang hră yap mơ̆ng hlâo truh kơ ră anai, lơm hmâo rơbêh kơ 20.000 čô mơnuih pơplông mơ̆ng 63 bôh tơring čar, ƀôn prong gum hrŏm.

Anai lĕ tơlơi jơnum ngui yôm phăn, jing anih tum pơƀut hăng đing nao prong hloh mơ̆ng bruă pơphun pơhrăm drơi jăn, pơđĭ tui tơlơi suaih pral mơ̆ng čơđai sang hră; hrŏm hăng anun ăt lĕ tơhnal pơhno bôh thâo kơ hơdôm mơnuih thâo bơkơjăp drơi jăn amăng čơđai sang hră đơ đam dêh čar./.