Pơplông tơnă hơbai jar kmar hăng tŭ yap añăm ƀong lu hloh hăng 120 añăm ƀong hơbai mơng akha kyâo
Thứ sáu, 14:33, 26/04/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tlam tom brơi (25/4), ƀơi plơi Tu Thó, să Tê Xăng, tơring glông Tu Mơ Rông, tơring čar Kon Tum pơphun tal pơplông tơnă hơbai jar kmar hăng tŭ yap gơnam tơnă hơbai lu hloh ƀơi Việt Nam hăng 120 gơnam ƀong hơbai mơng phun akha kyâo (arăng juăt iâu sâm dây) anai lĕ phun akha kyâo yôm amăng kual glai rưng Tu Mơ Rông.
Hăng anăn pơphun “Añăm ƀong mơng phun akha kyâo-gơnam yôm mơng glai rưng Ngọc Linh”, Tal pơplông tơnă hơbai jar kmar hơmâo 21 grup mut hrŏm. Amăng anun hơmâo 11 grup mơng hơdôm boh să amăng tơring glông Tu Mơ Rông, tơring čar Kon Tum. 10 grup jak iâu mơng dêh čar Lao, Khač, Thụy Sỹ hăng sa, dua grup tơnă hơbai amăng dêh čar.
Khul čom puang hơmâo ƀing tơnă hơbai jơman hloh amăng dêh čar, ƀing gơñu amra čom puang hluai tui hơdôm añăm hơbai jơman hloh, pơdă hiam hloh hăng tơlơi lăi pơthâo mơng grup pơplông. Amăng tal pơplông anai, kông ti pơčuh ngăn grup tŭ yap gơnam tơnă hơbai lu hloh Việt Nam Vietkings amra tŭ yap 120 añăm ƀong hơbai mơng akha kyâo brơi tơring glông Tu Mơ Rông.
Viết bình luận