Tơlơi ƀuh ƀô̆ mơta Gong phun jua pơhiăp Việt Nam ƀơi anih pơdă Jơnum Hră pơhing phrâo dêh čar thun 2023 hăng lu boh yôm phun  ber djop: Lu mơta tơlơi pơhing-lu tơlơi pơhiăp-lu črăn bruă rơgơi-phrâo hloh, hơmâo pơhưč lu tuai nao ĕp lăng. Lu tuai nao ĕp lăng anih pơdă gơnam mă bruă Gong phun jua pơhiăp Việt Nam čơphil rup djă pioh hăng anăn logo VOV juâ̆t ƀuh hăng hmư̆ tơlơi pơhing, lăng rup akŏ pơdong hăng pơđĭ kyar Gong phun jua pơhiăp Việt Nam.

Gong phun jua pơhiăp Việt Nam ƀudah VOV ră anai jing anom bruă tơlơi pơhing pôr hăng lu mơta kah hăng pơtui jua pơhiăp, pơdah rup, tơlơi pơhing hră in tơglit, hră pơhing internet, khul mơnuih čih tơlơi pơhing, ƀing ngă bruă măi mok giăm 2700 čô mơnuih. Hăng lu tơlơi pơhiăp, hơmâo 13 mơta tơlơi pơhiăp dêh čar tač rơngiao laih anun 13 mơta tơlơi pơhiăp djuai ƀiă amăng dêh čar, VOV pơmin na nao kơ bruă pơblih phrâo ia rơgơi amăng bruă mă, gru grua thâo thăi hăng anŏ pơčeh phrâo kiăng pơhưč lu mơnuih ƀôn sang tuai hmư̆ hăng ĕp lăng.