Thun anai, hrơi ngă yang pơphun hăng anăn “Čư̆ A Mung anih tum pơƀut glăi, pơbưp nao rai hăng lăi pơthâo gru grua mơng djop djuai ania”, pơphun amăng 3 hrơi, dong mơng lơ 4-6/4.

Hrơi ngă yang Thanh Minh ƀơi Čư̆ A Mung blung hlâo yua mơnuih djuai ania Nùng dŏ hơdip ƀơi anai pơphun. Tơdơi kơ rĭm thun, hrơi ngă yang jai hrơi pok prong, pơhưč lu neh met wa djop djuai ania kual kơdư dŏ hơdip amăng kual mut hrŏm, hăng hơmâo mông pơbưp ngui ngor mơ-ak mơng neh met wa Jrai ƀơi kual Dap kơdư.

Nao ngui ngă yang Thanh Minh tal 7 anai, tuai amra ƀuh tơlơi ngui ngor tui gru grua yôm phara mơng kual kơdư, hrŏm hăng bruă tum pơƀut ngui adôh suang hăng mut hrŏm tui gru grua ƀơi kual Dap kơdư.