VOV4.Jarai - Grup hyu mă bruă mrô 3 mơng Jơnum min plĕ hră tơring čar Lâm Đồng nao pel ĕp bruă prap lui tal plĕ hră ruah khua mua amăng tơring glông Đam Rông. Lăi pơthâo hăng Grup hyu pel ĕp, hơdôm bruă prap lui tal plĕ hră ruah Khua pơ ala mơnuih ƀon sang dêh čar  hăng Khua khul pơ ala mơnuih ƀon sang djop gưl, rơwang thun 2021-2026 amăng tơring glông hơmâo ngă pơgiong djơ̆ hăng hrơi mông pơkă. Ră anai tơring glông tŏ tui pok pơhai bruă čih glăi hră pơ-ar mơnuih nao plĕ hră hăng lăi pơthâo sit nik anăn ƀing mơnuih amra ruah ngă khua mua pơ ala mơnuih ƀon sang dêh čar hăng khua khul pơ ala mơnuih ƀon sang djop gưl laih dong bruă prap lui gơnam tam, anih anom brơi kơ hrơi plĕ hră. Hlâo anun, grup hyu pel ĕp mrô 3, Jơnum min plĕ hră tơring čar hơmâo pel ĕp sit nik bruă prap lui tal plĕ hră ƀơi sa, dua grup pơphun plĕ hră ƀơi ƀon lan.

Siu Đoan: Pơblang