VOV4.Jarai - Mơguah lơ 13/4, Grup khua git gai ping gah ƀon prong Hồ Chí Minh tal 11, rơwang thun 2020-2025 pơphun Jơnum lok 5 yua Ding kơna ding jum kơđi čar, Khua git gai Ping gah ƀon prong Hồ Chí Minh ơi Nguyễn Văn Nên git gai. Pơhiăp ƀơi mông jơnum, Khua git gai Ping gah ƀon prong ơi Nguyễn Văn Nên lăi, amăng 3 blan tal 1, bon prong Hồ Chí Minh hơmâo pơƀut git gai, črâo bruă, ngă hrơi mông mă bruă amăng akŏ thun mơ-ak, hơmâo pran jua, ngă bruă tŭ yua; hơdôm gơnong bruă, anom bruă ngă tŭ yua djŏp bruă ngă, hmư̆ hing lĕ ngă truh kih dua mơta bruă hrŏm hrŏm “ƀrô pơđĭ kyar bơwih ƀong huă - ƀrô pơgang klin:. Khua git gai Ping gah ƀon prong Hồ Chí Minh ơi Nguyễn Văn Nên ăt lăi mơn, amăng 3 blan tal 1, ƀon prong Hồ Chí Minh kiăng ngă bruă yôm hloh lĕ pơgang klin Covid-19 mơn, ngă klă bruă prăp lui ruah khua pơ ala mơnuih ƀon sang dêh čar hăng khua Jơnum min pơ ala mơnuih ƀon sang djŏp gưl, laih dong kiăng pok pơhai tañ čuk pơkra ƀon prong Hồ Chí Minh, plơi prong Thủ Đức, prăp lui bưp grup bơwih ƀong mơng tač tơngiao ƀơi tơlơi bơwih ƀong gah prăk kăk, sang bruă prăk, pơtô hrăm...

Siu H’Mai: Pơblang