VOV4.Jarai - Čơtlăm lơ 5/5, ơi Chu Ngọc Anh, Khua Jơnum min mơnuih ƀôn sang ƀôn prong Hà Nội hmâo nao pel ĕp bruă pơgang, pơgăn klin ƀơi Sang ia jrao Nhiệt đới dêh čar ta mrô 2 (tơring glông Đông Anh) tơdơi kơ thâo ơi ia jrao mơng Sang ia jrao ƀă kơman Sars-CoV-2. Ơi Chu Ngọc Anh brơi thâo, ƀôn prong hmâo tŭ ư hrom hăng Ding jum ia jrao guang dar mơtăm abih bang anom mrô 2 mơng Sang ia jrao Bệnh Nhiệt đới dêh čar ta. Bruă mă ƀơi anăp lĕ tañ pơgăn klin kheng, pơhlôm kơ ơi nai ia jrao ƀơi anih pơgang klin. Anai ăt lĕ hơdră kiăng pơgăn lar tưp hyu mơng klin kheng tơbiă amăng mơnuih mơnam. Tui hăng ơi Chu Ngọc Anh, hăng tơlơi pơplih dleh tơnap mơng klin ruă, lu anô̆ pơplih phrâo, hơdôm khul mơnuih pơgang pơgăn klin kah hăng ơi, nai ia jrao hmâo laih mơnuih ƀă kơman Sars-CoV-2. Ơi Chu Ngọc Anh rơkâo pel ĕp glăi abih bang hră čih anăn mơnuih tơbiă mơng sang ia jrao amăng 10 hrơi jê̆ hăng anai kiăng hơduah ĕp mơnuih bơdjơ̆ nao mơng pô ƀă kơman, mă ia khak ia adung pơčrang lăng, tañ pơsir anih anom klin tưp anai./.

Siu H’ Prăk: Pô pơblang