VOV4.Jarai - Tlam mơmot lơ 12/4, ơi Chử Xuân Dũng, Kơ-iăng khua Jơnum min mơnuih ƀon sang ƀon prong Hà Nội git gai jơnum lăng nao rai amăng tivi hăng hơdôm boh kuâ̆n, tơring glông, phường, să kiăng pơgang klin Covid-19 ăt kah hăng klin kơčung amăng bah, tơkai tơngan....Tui hăng tơlơi lăi pơthâo mơng Gơnong bruă ia jrao Hà Nội, truh ră anai hơmâo laih 56 hrơi plơi prong huăi hơmâo mơnuih ƀă anăng kual plơi pla. Ƀon prong ăt pơphun tlâ̆o vaccine kơ 8.047 čô mơnuih, rơgao mrô pơkă hlâo kơ anun. Bruă tlâ̆o jrao pơgang Covid-19 tal 2 (rơbêh 50.000 liều) amra tlâ̆o brơi hlâo kơ rơbêh 26.000 čô mă bruă gah ia jrao hăng rơbêh 70.000 čô amăng grup wai lăng klin covid-19 laih dong him lăng amăng thun anai Hà Nội amra tlâ̆o vaccine pơgang Covid-19 kơ 350.000 čô mơnuih. Bơdjơ̆ nao klin kơčung amăng bah tơkai tơngan, ơi Chử Xuân Dũng kiăng hơdôm tring trang răng kơđiăng klin kơčung amăng bah tơkai tơngan, pôr pơhing kiă mơnuih ƀon sang thâo rơđah djŏp bruă pơgang klin.

Siu H’Mai: Pơblang