VOV4.Jarai - Ƀơi să kual asuĕk Krông Nô, tơring glông Lak, tơring čar Daklak, Khul hơdôm bôh ƀirô hăng anom bơwih ƀong tơring čar Daklak phrâo pơhun jơlan hơdră Pok phun kơ mơnuih ƀôn sang, lăi pơthâo bruă ruah khua pơ ala mơnuih ƀôn sang dêh čar ta tal 15 hăng khua pơ ala Jơnum min pơ ala mơnuih ƀôn sang hơdôm gưl rơwang bruă 2021-2026. Ƀơi anai, grŭp hmâo pha hyu hră lăi pơhing, lăi pơthâo truh mơnuih ƀôn sang kơ bôh tŭ yua, tơhnal yôm phăn mơng bruă ruah khua.

Lăi pơhing ruah khua pơkĕ hăng hơđong tơlơi hơdip mơnuih mơnam ƀơi kual asuĕk

Pơphun jơlan hơdră gum hrom – yua kơ tơlơi suaih pral mơnuih mơnam, pel ĕp pơjrao brơi tơlơi duam ruă brơi đôč kơ mơnuih ƀôn sang tơnap tap; čơkap ƀuk, kâo tơngan kơ čơđai ƀun rin; pha hyu hră lăi pơhing pơgang pơgăn klin duam pơđung drah, bơbrah hơtai B. Pơhrăm brơi, pơtô glăi hơdră pla hăng bơwih brơi kơ phun kơ phê, pla phun kơbuă rông hlăt mrai kơ 150 bôh sang mơnuih ƀôn sang ƀơi anai. Ƀơk brơi 10 anung prăk djru hrăm hră, rơdêh dang wang pioh nao sang hră hăng abih bang nua ñu rơbêh kơ 15 klăk prăk brơi kơ 10 čô  čơđai sang hră djuai ania ƀiă yak rơgao tơlơi tơnap hrăm hră rơgơi./.

Siu H’ Prăk: Pô pơblang