VOV4.Jarai - Lâm Đồng dong tal 23 amăng mrô jŭ yap PCI (mrô bơkơtưn) thun 2020, mah hrŏ trun 1 mrô pơhmu hăng thun 2019 samơ̆ ăt tŏ tui dong amăng grup hơdôm tơring čar bơkơtưn kơtang hloh hăng ba jơlan hlâo amăng kual Dap kơdư. Hăng mrô PCI amăng thun 2020 truh pơ 64,43 puang, hrŏ trun 1,8 puang pơhmu hăng thun 2019, Lâm Đồng dong 23 amăng 63 boh tơring čar, ƀôn prong amăng đơ đam dêh čar.

Tui hăng ơi Dương Quốc Anh, Khua anom bruă pơsur tuh pơ alin, sĭ mơdrô hăng tuai čuă ngui tơring čar Lâm Đồng, hơdôm thun laih rơgao, Lâm Đồng ƀu pơdơi gir run ngă ha amăng plĕ lu hơdră kiăng kơ đĭ tui puang bơkơtưn mơng tơring čar. Bruă lăi pơthâo puang tui mrô jŭ yap PCI hơmâo pơdah tơlơi dưi, tơlơi dŏ tơdu, mơng anun amra ngă klă dong lơ̆m pơphô bruă kiăng kơ gong gai pơjing lu hơdră lăp djơ̆ djơ̆ hăng tơlơi sit nik hăng pơsir, pơgôp hrưn đĭ mrô PCI amăng tơring čar pơ anăp anai.

Siu Đoan: Pơblang