VOV4.Jarai-Ơi pang yă dôn hăng ƀing gơyut khăp, hrơi anai lơ 10/3 blan di, jing hrơi hơdor huă pơsat ơi pơtao Hùng Vương. Tui hăng Khua mua pơphun ngă yang huă pơsat ơi pơtao Hùng Vương lĕ-Huă pơsat pơtao Hùng Vương thun 2021 anai lĕ thun hlai, anun tơring čar Phú Thọ pô pơphun.

Ngă yang huă pơsat pơtao Hùng

Hrom hăng hơdră ngă yang tui gru grua đưm, ngă tui djơ̆ tơlơi pơtrun kơ bruă pơhlôm pơgang klin Covid 19, črăn ngui ngor amra hơmâo sa dua mơta bruă gru grua ngui ngor đưm plơi pla.

Črăn ngă yang atâo, hơmâo:

Ngă yang atâo ơi pơtao phun kơ lŏn ia Lạc Long Quân hăng čuh ñang h’ŭ kơ yă lŏn ia Âu Cơ lơ 17/4 jing lơ 6/3 blan di; ngă yang huă pơsat Hùng Vương hăng ngă yang dưm bơnga čuh ñang hăng rup Wa Hồ dŏ ră ruai hăng khua mua, ling tơhan Đại đoàn quân Tiên phong lơ 21/4 jing lơ 10/3 blan di; ngă yang h’ŭ kơ hơdôm rơnuk pơtao Hùng mơ̆ng djop tơring glông amăng tơring čar mơ̆ng lơ 1-7/3 blan di.

Gah tơlơi ngui ngor mơak, ƀrô djơ̆ tal anai, amăng anih ngui ngor kơnong pơphun bruă mă gru grua đưm kah hăng atông hơgor, ngui ngor đâm đuống, pơdah rup tơbăk tlâ̆o yang sat, pơplông anung điơ̆, hơtŭk ƀañ tơpung braih jing ƀañ čưng ƀañ giầy.

Nay Jek: Pơblang