VOV4.Jarai - Hrơi anai (8/4) lĕ hrơi mă bruă rơnuč jơnum lok 11, Khua pơ ala mơnuih ƀon sang dêh čar tal XIV. Mơguah, Khua pơ ala mơnuih ƀon sang dêh čar amra pơphun tŭ yap tơlơi rơkâo ruah sa, dua Kơ-iăng khua dêh čar, sa, dua Khua ding jum hăng khua mua pơkŏn dong amăng Kơnuk kơna ta. Ding kơna Jơnum min apăn bruă Khua pơ ala mơnuih ƀon sang dêh čar Nguyễn Thị Thanh, pơ ala brơi Jơnum min Khua pơ ala mơnuih ƀon sang dêh čar, lăi pơthâo kơ boh tơhnal pơčrông sai ƀơi Grup kơ bruă ruah sa, dua čô Kơ-iăng khua dêh čar, sa, dua čô Khua ding jum hăng khua mua pơkŏn amăng Kơnuk kơna.

Jơnum lok 11, Khua mua pơ ala mơnuih ƀon sang dêh čar tal XIV

Khua dêh čar ta ơi Phạm Minh Chính lăi pơthâo Khua pơ ala mơnuih ƀon sang dêh čar kơ tơlơi rơkâo đĭ, pơgôp hiăp mơng ƀing khua mua ƀơi anăp Khua pơ ala mơnuih ƀon sang dêh čar tŭ yap tơlơi rơkâo ruah phrâo khua mua tui hơdră plĕ hră hơgŏm. Tơdơi kơ lăi pơthâo mrô hră plĕ, Khua pơ ala mơnuih ƀon sang dêh čar  pơčrông sai, dong yua tui tơlơi pơsit bruă ruah phrâo sa, dua čô kơ-iăng khua dêh čar, sa, dua khua ding jum hăng khua mua pơkŏn amăng Kơnuk kơna.

Siu Đoan: Pơblang