VOV4.Jarai - Hrưn đĭ truh lơ 1/7 pơ̆ anăp amra pơsit brơi 50 klăk pok hră căn cước hlă čip điện tử pioh kơ bruă hră pơ-ar mơng mơnuih ƀôn sang”. Anai lĕ tơlơi pơhing dưi ba tơbiă amăng mông Jơnum lăng nao rai amăng tivi Klah čun Akô̆ bruă ngă amuñ hră pơ-ar mă yua, hră pơ-ar công dân hăng gru than djă pioh bơdjơ̆ nao bruă wai lăng mơnuih ƀôn sang mơng thun 2013-2020 (Akô̆ bruă 896) dưi pơphun mơguah tom brơi lơ 23/4, ƀơi Ƀirô mă bruă Kơnuk kơna. Gah pơsit mrô anăn mơnuih, hluai tui Hră čih lăi pơthâo hrơi tơkeng kơ čơđai muai phrâo tơkeng, yap truh lơ 24/3 phrâo rơgao, glông bruă mơng Ding jum tơlơi phiăn hmâo ngă hră hăng pơsit brơi rơbêh kơ 5 klăk mrô pơsit anăn mơnuih kơ čơđai muai phrâo tơkeng lĕ mơnuih Việt Nam. Pơhiăp amăng mông jơnum, Kơ-iăng Khua dêh čar ta ơi Trương Hòa Bình rơkâo, hơdôm ding jum, gơnong bruă, plơi pla kiăng gum hrom hăng Ding jum kông ang amăng bruă tô nao rai bruă mă kiăng mă yua lom ngă tui hră pơ-ar kah hăng pơsit tơlơi pơhing lăi nao kơ mơnuih mă yua, djru pơsit pel ĕp tơlơi pơhing lăi nao mơnuih anun./.

Siu H’ Prăk: Pô pơblang