VOV4.Jarai - Tlam mơmŏt lơ 1/4, ƀơi Hà Nội, Anom bruă Khua pơ ala mơnuih ƀon sang dêh čar pơphun jơnum klah čun Khua pơ ala mơnuih ƀon sang dêh čar tal 14 mơng grup khua mua ngă giang mah kơplah wah Việt Nam - Nga. Đĭ pơhiăp amăng mông jơnum, Khua grup khua mua giang mah Việt Nam - Nga ơi Phan Xuân Dũng, Khua Jơnum min boh thâo phrâo hăng wai pơgang ayuh hyiăng mơng Ƀirô Khua pơ ala mơnuih ƀon sang dêh čar  brơi thâo, amăng rơwang tal 14, hrŏm hăng bruă pơtom hiăp mơng Ping gah, Kơnuk kơna, bruă mă mơng grup khua mua giang mah Việt Nam - Nga ăt pơgôp prong prin amăng pơtrut tơlơi rô nao rai hiam klă kơplah wah dua bơnah, djă pioh tơlơi gơgrong mơng anom bruă pơtom hiăp lăi hrŏm hăng ƀing khua mua ngă giang mah hnun mơn. Khua anih jưh pơ ala dêh čar Nga ƀơi Việt Nam ăt lăi pơtong, bruă mă mơng grup khua mua ngă giang mah kơplah wah Việt Nam - Nga amăng thun blan laih rơgao pơgôp prong prin, pơtrut ngă hrŏm kơplah wah Việt Nam hăng Nga amăng djop mơta bruă.

Siu Đoan: Pơblang