VOV4.Jarai - Lơ 2/4, Grup khua apăn bruă Ping gah tơring čar Kon Tum tal 16 pơphun Jơnum lok 3. Ƀơi mông jơnum, ƀing khua pơƀut bơkơtuai, pơgôp hiăp hăng hră pơtŏng glăi tơlơi bơwih ƀong - mơnuih mơnam, ling tơhan - rơnuk rơnua, akŏ pơdong Ping gah hăng anom bruă čar 3 blan tal 1 thun 2021. Pơhiăp tum pơƀut glăi mông jơnum, Khua git gai Ping gah tơring čar Kon Tum bơni kơ sa, dua tơlơi dưi ngă hmư̆ hing amăng 3 blan tal 1. Hăng bruă ngă amăng 3 blan tal 2, Khua git gai Ping gah tơring čar kiăng pơƀut ngă hlâo, jak iâu arăng tuh pơ alin, khŏm git gai na nao mơtăm, pơsir hĭ tơlơi ngă gun, djru brơi anom bruă tuh pơ alin tañ dưi ngă bruă. Ping gah tơring čar kiăng Khua mua ping gah Jơnum min mơnuih ƀon sang tơring čar gir git gai hơdôm boh tơring glông, plơi prong, hơdôm gơnong bruă, anom bruă pơhrui djŏp tơlơi hơmâo, khŏm dưi ngă bruă, dưi ngă rơgao hơnong pơkă bơwih ƀong huă, mơnuih mơnam amăng thun 2021.

Siu H’Mai: Pơblang