VOV4.Jarai - Jơnum min mơnuih ƀon sang tơring čar Daklak phrâo hơmâo hră pơ-ar rơkâo hơdôm tơring glông, tơring kual, plơi prong git gai kiăng pơdơi hĭ hơdôm anih ngui ngor anun lĕ ƀar/pub, adih mơñum ƀong, bida, karaoke, anih adôh suang, anih dah phĭm, anih ngui brơi ƀing čơđai… mơng lơ 4/5/2021.  Bơ hơdôm anih anom pơkŏn brơi mă bruă samơ̆ ngă tui hơdră pơgang klin Covid-19. Hơdôm bruă tum pơƀut lu mơnuih (sang jơnum, pơdô̆ rơkơi bơnai, mơñum ƀong, tuh ƀuai…) kiăng kơ ngă tui tơlơi pơtrun 5k, wai lăng kjăp ƀing mơnuih nao ngui ngor hrŏm (biă mă ñu ƀing mơnuih rai mơng kual hơmâo klin). Mơnuih ƀon sang rai mơng kual glăk guang dar pioh pơgang klin (tui tơlơi lăi pơthâo mơng Ding jum ia jrao hăng Jơnum min mơnuih ƀon sang tơring čar  hơdôm tơring čar) khŏm nao pơ sang ia jao giăm hloh kiăng kơ phaih hăng pơcrăng lăng laih dong ngă tui tơlơi pơkă pơclah mă pô pơ sang.

Siu Đoan: Pơblang