VOV4.Jarai - Mơguah lơ 16/5, khul ling tơhan hăng mơnuih ƀôn sang tơring glông Trường Sa, tơring čar Khánh Hòa hmâo hur har nao ruah khua pơ ala mơnuih ƀôn sang dêh čar ta tal 15 hăng Khul pơ ala mơnuih ƀôn sang hơdôm gưl, rơwang bruă 2021-2026. Mơnuih ruah khua ƀơi 2 bôh să Sinh Tồn, Song Tử Tây hăng tơring kual Trường Sa nao ruah khua tañ hloh. Kơnong kơ kual plĕ hră gah tơring kual Trường Sa (bul bôh pơtao Trường Sa Lớn) hăng 3 kual plĕ hră dô̆ glăi gah tơring glông Trường Sa dŏng ƀơi kual lŏn ăt pơphun ruah khua mơn tui djơ̆ hrơi pơkă lĕ lơ 23/5. Ră anai, kual bul pơtâo Trường Sa pơphun hmâo pơ-iă hang, lu bul lŏn, anih anom bưp tơnap amăng tơlơi jơnum. Ling tơhan hăng mơnuih ƀôn sang ƀơi hơdôm bul pơtâo anai hmâo hơkrŭ pơsir laih tơlơi tơnap, prăp lui klă bruă ruah khua anun mông ngă lơphet pok phun hăng bruă plĕ hră ƀơi hơdôm anih anom ruah khua pơphun gêh gal, djơ̆ kơčăo bruă. Amăng mông mơguah, lu anih anom hmâo ngă giong laih bruă plĕ hră./.

Siu H’ Prăk: Pô pơblang