VOV4.Jarai - Ƀrô brơi KHua dêh čả ơi Phạm Minh Chính hơmâo ruah ngă Khua dêh čar Việt Nam, lơ 20/4, Khua dêh čar Singapore ơi Lý Hiển Long iâu telephôn hơ-ơč hmưi. Khua dêh čar ơi Phạm Minh Chính bơni kơ Khua dêh čar Singapore mơ-it hră hăng iâu telephôn hơ-ơč hmưi, kiăng ngă hrŏm hăng dêh čar ta kơjăp hloh amăng djŏp bruă. Dua čô khua hok mơ-ak ƀơi anăp tơlơi đĭ kyar hiam klă amăng tơlơi ngă hrŏm dua bơnah, mah hơmâo lu tơlơi tơnap yua klin Covid-19 ngă hai.

Khua dêh čar ơi Phạm Minh Chính pơhiăp telephôn hăng Khua dêh čar Singapore Lý Hiển Long.

Dua čô khua dêh čar tŭ ư pơtrut tui tơlơi ngă hrŏm amăng hơdôm bruă dưi đĭ kyar kah hăng prăk kăk, boh thâo ia rơgơi, akan hơdang, đang hmua, pơtô pơhrăm, pơkra anih anom...pok prong hăng bruă pơkŏn djơ̆ hăng tơlơi kiăng amăng rơnuk hơkrŭ boh thâo tal 4 kah hăng pơđĭ kyar apui yua hơdjă, plơi prong rơgơi, pơčeh phrâo, bơwih ƀong hăng mrô; lăi pơthâo nao rai tơlơi rơgơi wai lăng hăng pơđĭ kyar bơwih ƀong huă, pơtô mơnuih mă bruă, biă ñu lĕ mơnuih mă bruă rơgơi.

Siu H’Mai: Pơblang