VOV4.Jarai - Lơ 17/5, ƀơi Sang bruă Kơnuk kơna, Khua dêh čar ơi Phạm Minh Chính hơmâo pơhiăp telephôn hăng Khua dêh čar Japan ơi Suga Yoshihide. Amăng hrơi mông mơ-ak, hơmâo tơlơi ngă hrŏm giăng mah, đăo gơnang nao rai, dua čô khua dêh čar pơtŏng glăi tơlơi rô nao rai kơplah wah Việt Nam hăng Japan glăk đĭ kyar klă biă, laih dong bơlăi nao hơdră ngă bruă tŏng ten pơtrut đĭ tơlơi ngă hrŏm dlăm hloh kơplah wah dua bơnah amăng hrơi blan pơ anăp.

Dua čô Khua dêh čar tŭ ư pơtom hiăp bruă yôm kơplah wah ding jum, anom bruă, tơring tơrang, ngă hrŏm kơjăp pơsir hĭ hơdôm tơlơi ƀu klă amăng bruă ngă hrŏm dua bơnah; pơphun bruă ngă lơphet 50 thun hrơi akŏ pơdong tơlơi pơotm hiăp Việt Nam - Japan amăng thun 2023 djơ̆ hăng tơlơi ngă hrŏm yôm mơng dua boh dêh čar. Dua čô khua ăt bơkơtuai mơn kơ hơdôm tơlơi hơmâo amăng kual, jar kmar mơ̆ dua bơnah lăp gleng nao, amăng anun hơmâo bruă ƀơi ia rơsĭ Ngŏ; tŭ ư ngă hrŏm kơjăp ƀơi mông jơnum hơmâo lu dêh čar, biă ñu ƀơi Sang gum hơbit djŏp dêh čar, ASEAN.

Siu H’Mai: Pơblang