VOV4.Jarai - Tlam lơ 12/5, Khua dêh čar ơi Phạm Minh Chính pơhiăp telephôn hăng Khua dêh čar Thái Lan Prayut Chan-o-cha. Khua dêh čar ơi Phạm Minh Chính pơsit amra ngă hrŏm kơjăp hăng Khua dêh čar ơi Prayut Chan-o-cha kiăng pơtrut “Tơlơi ngă hrŏm kơtang hloh Việt Nam - Thái Lan” jai hrơi dlăm tui, tŭ yua hăng sit nik. Bơlăi nao rơđah hơdră pơtrut ngă hrŏm dua bơnah, dua čô khua git gai hơdôm anom bruă bơdjơ̆ nao ngă hrŏm pơphun klă bruă jơnum ngă lơphet 45 thun hrơi akŏ pơjing tơlơi rô nao rai Việt Nam - Thái Lan amăng thun 2021, pơhlôm djơ̆ tơlơi kiăng, ƀu dưi ngă kiăng kơ ƀă đôč ôh; djă bong hăng pơtrut anŏ tŭ yua mơng bruă ngă hrŏm dua bơnah. Kơ tơlơi ngă hrŏm amăng kual hăng jar kmar, dua čô Khua dêh čar tŭ ư ngă hrŏm kơjăp hăng gum djru nao rai amăng tơlơi ngă hrŏm lu bơnah kah hăng Sang gum hơbit djŏp dêh čar, ASEAN, APEC, pơtruh nao rai jơlan glông, ăt kah hăng pơtrut pơđĭ kyar hơđong kơjăp ƀơi kual anet Mê Kông.

Siu H’Mai: Pơblang