VOV4.Jarai - Ƀơi anăp tơlơi hŭi rơhyưt kơtang tui mơng klin Covid-19, hơmâo tơlơi truh sat hăng ƀu thâo hlâo, Khua dêh čar ta ơi Phạm Minh Chính hơmâo hră mơ-it git gai pơđĭ tui anŏ tŭ yua pơgang klin Covid-19. Hră mơ-it lăi rơđah: Ƀing hlơi pơ-ai, ƀu hŭi, ƀu kơđiăng, ƀu gum pơgang klin, ƀu ngă tui tơlơi pơkôl pơkă, tơlơi git gai pơgang klin khŏm pơtŏng glăi tơlơi gơgrong bruă mơng khul grup, hơjăn pô đah mơng bơtơhmal tui tơlơi pơtrun mơng Ping gah, tơlơi phiăn mơng Kơnuk kơna. Khua dêh čar git gai djŏp gưl, anom bruă, tơring tơrang lăng glăi abih, pơhrua tui tơlơi pơtrun pơgang klin Covid-19 kiăo tui gưl bruă, tơlơi dưi wai lăng nao hrŏm hăng pơtrut hyu hơduah ĕp, sem lăng, hăng jao bruă kơ djŏp gưl, anom bruă kiăng hơmâo tơlơi pơčeh phrâo, ngă bruă hơdeč hmar đah mơng dưi pơgang klin klă hloh, laih dong gơgrong bruă pơgang klin hăng pơđĭ kyar bơwih ƀong huă amăng hrơi mông anai.

Siu H’Mai: Pơblang