VOV4.Jarai - Tŭ ư hăng tơlơi jak iâu mơng Khua mua hăng Kơnuk kơna dêh čar Nga, Khua dêh čar ta ơi Phạm Minh Chính hơmâo nao jơnum hrŏm laih anun đĭ pơhiăp amăng Jơnum “rơwang hrơi tơjuh apui lơtrik Nga” tal IV hăng anăn “Apui lơtrik jar kmar: Pơplih kiăng pơđĭ kyar”, pơphun ƀơi Moscow dong mơng lơ 13-15/10/2021 jơnum lăng nao rai amăng tivi. Đĭ pơhiăp amăng mông jơnum Khua dêh čar ta ơi Phạm Minh Chính pơdah prak hok mơ-ak hăng pơpŭ bơnai Khua mua hăng Kơnuk kơna Nga hơmâo tơlơi jak iâu nao jơnum prong anai.

Khua dêh čar ta ơi Phạm Minh Chính đĭ pơhiăp amăng mông jơnum

Khua dêh čar ta lăi pơtong, Việt Nam lăng yôm hơdôm tơlơi gơgrong mơng dêh čar Nga hăng bruă apui lơtrik amăng rŏng lŏntơnah, djru ngă hơđong hăng bơkơnar amăng bruă sĭ mơdrô ia jâu hyuh gas amăng jar kmar. Khua dêh čar ta đăo gơnang hơdôm tơlơi pơsit phrâo mơng Nga amăng bruă apui lơtrik, amăng anun hơmâo jơnum rơwang hrơi tơjuh apui lơtrik Nga tal anai, hơmâo hăng glăk pơgôp kơtưn pơlăi nao rai hăng ngă hrŏm kơplah wah hơdôm dêh čar amăng pơđĭ kyar gơnong bruă apui lơtrik brơi klă hloh, hơđong kjăp, yua kơ tơlơi dưi hrŏm mơng djop dêh čar hăng abih bang mơnuih.

Siu Đoan: Pơblang