VOV4.Jarai - Khua dêh čar ta ơi Phạm Minh Chính phrâo pơđut klă hiam tal nao pơhmư̆ mông Jơnum ƀing Khua mua ASEAN. Amăng 2 hrơi mơng tal hyu mă bruă, Khua dêh čar ta hmâo nao pơhmư̆ hăng hmâo đĭ pơhiăp lăi pơthâo tơlơi gum pơhiăp mơng Khua mua hơdôm bôh dêh čar kual ASEAN kơ tơlơi ƀơi Myanmar hăng bruă mă mơng ASEAN. Khua dêh čar pơsit hăng sa čô Ding kơna gum bruă hăng ră anai lĕ Khua Khul pơgang rơnuk rơnua Sang gum hơbit djop dêh čar amăng blan 4/2021, Việt Nam hmâo gir run pơphun brơi gêh gal kơ bruă ĕp jơlan djơ̆ kơ tơlơi ƀơi Myanmar. Khua dêh čar ta rơkâo hơdôm bôh dêh čar ASEAN gum hrom kơjăp ƀơi hơdôm mông bơkơtuai mơng Sang gum hơbit djop dêh čar hrom hăng dêh čar Việt Nam pơsur hơdôm bơnah gum hrom dŏng yua hăng djru gum tơlơi gir run mơng ASEAN amăng ngă juăt hăng ĕp jơlan pơsir djơ̆ kơ tơlơi Myanmar. Amăng 2 hrơi mă bruă ƀơi Indonesia, Khua dêh čar ta ăt hmâo laih mơn hơdôm bruă pơbưp dua bơnah hăng ƀing khua mua hơdôm bôh dêh čar kual ASEAN, mơ-it dong gru rup jê̆ giăm, giăng mah mơng Grŭp khua mua git gai phrâo mơng Việt  Nam truh ƀing khua hơdôm bôh dêh čar jê̆ giăm amăng kual./.

Siu H’ Prăk: Pô pơblang