VOV4.Jarai - Khua dêh čar ta pơsit amra mă pơhrua dong 1.237 klai prăk mơng ngăn drăp Kơnuk kơna thun 2021 kiăng kơ pơhrua dong amăng rơnoh prăk pioh yua amăng thun 2021 brơi kơ Ding jum ia jrao blơi hăng tlâ̆o vaccine pơgang klin Covid-19. Khua dêh čar ta jao ding jum prăk kak, Ding jum ia jrao gơgrong abih bang pơphun bruă brơi tơpă sit tui hơdôm boh tơhnal hăng mrô jŭ yap lăi pơthâo. Ding jum ia jrao gơgrong amăng bruă blơi vaccine pơgang klin Covid-19 tui tơlơi pơkă, pơhlôm hmao tlôn, tŭ yua, pơkrem, rơđah rơđông, tơpă sit. Ding jum ia jrao ječ ameč pơjing hăng mơ-it hră pơ-ar kơ anom bruă bơdjơ̆ nao tŭ yap hơdôm akŏ bruă pioh pơgang klin Covid-19 amăng thun 2021.

Siu Đoan: Pơblang