VOV.Jarai - Tlam tom brơi (2/4) ƀơi Ƀirô Kơnuk kơna, tŭ jum Khua anih jưh pơ ala dêh čar Hàn Quốc ƀơi Việt Nam Park No Wan hăng Khul bơwih ƀong sĭ mơdrô Hàn Quốc ƀơi Việt Nam, Khul mơnuih ƀon sang Hàn Quốc ƀơi Việt Nam, 5 anom bruă boh thâo mă mok pơprong mơng dêh čar Hàn Quốc nao pel ĕp kiăng kơ tuh pơ alin ƀơi dêh čar Việt Nam, Khua dêh čar ta ơi Nguyễn Xuân Phúc lăi, dêh čar Việt Nam, tơlơi dưi mă pô lĕ tơlơi pơsit, tơlơi dưi mơng gah rơngiao lĕ pơđĭ kyar bơwih ƀong huă.

Khua dêh čar ta čang rơmang, tơlơi rô nao rai kơplah wah Việt Nam - Hàn Quốc jai hrơi pơlir hơbit kjăp yua kơ jai hơmâo lu anom bơwih ƀong huă pơprong mơng Hàn Quốc mă bruă ƀơi Việt Nam anun lĕ Samsung, SK, Hanwha, Deawoo, Lotte hăng lu anom bruă, anom bơwih ƀong sĭ mơdrô. Kơnuk kơna Việt Nam tŏ tui dong yua  hăng ngă gêh gal brơi hơdôm khul grup, anom bơwih ƀong sĭ mơdrô  kiăng kơ pok prong bruă tuh pơ alin, bơwih ƀong sĭ mơdrô ƀơi Việt Nam. Khua dêh čar ta brơi thâo, mah glăk amăng thun blan klin Covid-19 lar hyu samơ̆ Việt Nam ăt lĕ dêh čar lêng kơ ngă gêh gal brơi ƀing rơgơi kơhnâo, hơdôm anom bruă tuh pơ alin Hàn Quốc mut rai dêh čar Việt Nam bơwih ƀong hăng bruă ngă hră pơ-ar amuñ hloh.

Siu Đoan: Pơblang