VOV4.Jarai - Ƀơi mông ngă bruă lơ 26/4, grup khua mơng Ding jum ia jrao yua Khua ding jum Nguyễn Thanh Long ba jơlan hơmâo mông ngă bruă kơ bruă pơgang klin Covid-19 hăng bruă ia jrao ƀơi hơdôm boh sang ia jrao gưl prong ƀơi ƀon prong Cần Thơ, Khua ding jum ia jrao ơi Nguyễn Thanh Long git gai Sang ia jrao prong Cần Thơ ngă hrŏm hăng hơdôm plơi pla, Sang ia jrao Y dược Cần Thơ, tañ ngă pơgiong sang ia jrao pơdong jăng jai gưl kơnuk kơna ƀơi Cần Thơ. Sang ia jrao prong Cần Thơ hơmâo jao ngă anih djru mơnuih mă bruă, gơnam yua gah ia jrao, măi suă pran ...kơ sang ia jrao pơdong lơ̆m hơmâo tơlơi truh ječ ameč. Sang ia jrao anai lĕ sang ia jrao tal rơnuč čơkă ƀing ƀă klin Covid-19 kơtang, djru čơkă pơjrao brơi ƀing ruă mơng hơdôm boh tơring čar amăng kual. Mơng blung a sang ia jrao hơmâo 400 boh sưng đih, samơ̆ amra pơđĭ jing 800 boh sưng dong tơdah kiăng.

Siu H’Mai: Pơblang