VOV4.Jarai - Tlam lơ 14/4, Khua ding jum pơtom hiăp dêh čar ta ơi Bùi Thanh Sơn hơmâo mông jơnum bơkơtuai amăng tivi hăng khua ding jum pơtom hiăp dêh čar Australia Marise Payne, Khua ding jum pơtom hiăp Malaysia Hishammuddin Hussein, Khua ding jum pơtom hiăp deh čar Philippines Teodoro Locsin. Amăng mông jơnum, ƀing khua ding jum tŭ ư pơ anăp anai amra gum hrŏm kjăp kiăng pơtrut tơlơi rô nao rai hăng Việt Nam amăng djop mơta bruă kiăng kơ jai hrơi dơlăm, tŭ yua, amăng anun đing nao bruă akŏ phun: pơtrut bưp nao rai tơdah dưi, kơtưn pơbưp khua mua djop gưl; pok pơhai tŭ yua hơdôm hơdră ngă hrŏm hăng tơlơi pơkôl; pơtrut  hăng ngă klă dong amăng bruă pơgang rơnuk rơnua; djru tơdruă amăng ngă hmua-rông akan hơdang sĭ mơdrô-tuh pơ alin hăng ngă hrŏm ODA. Ƀing khua ding jum tŭ ư amra tŏ tui gum hrŏm kjăp amăng hơdôm tal jơnum djop bơnah, kah hăng hơdôm tal jơnum kơ bruă amăng kual hăng jar kmar.

Siu Đoan: Pơblang