VOV4.Jarai - Ƀơi Hà Nội, Đại tướng Tô Lâm, Khua Ding jum kông ang hmâo laih mông bưp Khua anih jưh pơ ala kơ dêh čar Mi ƀơi Việt Nam Daniel Kritenbrink nao lăi pơthâo pơđut rơwang bruă mă ƀơi Việt Nam. Khua ding jum ơi Tô Lâm hơ-ưč hmưi ơi Daneil Kritenbrink hmâo ngă giong prong rơwang bruă ƀơi Việt Nam hăng dưi hmâo Khua mir sir dêh čar Mi ruah ngă Khua gum bruă Khua ding jum pơtom hiăp dêh čar Mi gơgrong ƀơi Đông Á – Thái Bình Dương.

Khua Ding jum Tô Lâm bơni kơ Khua anih jưh pơ ala kơ dêh čar Mi hăng lăi rơđah, Việt Nam čang rơmang pơtrut tơlơi rô nao rai gum hrom abih bang hăng Mi hluai tui tơlơi pơpŭ, tơlơi dưi pô, pơhlôm lon ia, yua kơ bôh tŭ yua mơnuih ƀôn sang dua bôh dêh čar, djru djă pioh tơlơi rơnuk rơnua, hơđong, gum hrom hăng pơđĭ kyar ƀơi kual hăng ƀơi rŏng lŏn tơnah. Khua ding jum ơi Tô Lâm čang rơmang, pơ̆ anăp anai, Mi djru mơnuih Việt Nam ngă juăt hăng vaccine pơgang Covid-19; gum hrom hăng Kơnuk kơna Việt Nam amăng pơtô glăi hơdră phrâo, pơkra vaccine./.

Siu H’ Prăk: Pô pơblang