VOV4.Jarai - Dưi thâo tơlơi klin ruă Covid-19 ƀơi dêh čar Kur gluh đĭ, Khua git gai Ping gah dêh čar ta ơi Nguyễn Phú Trọng hmâo pơhiăp nao laih hăng telephone tơña bla  mơ-ĭt kơ ơi Samdek Techo Hun Sen, Khua gih gai Ping gah mơnuih ƀôn sang dêh čar Kur, Khua dêh čar Kur. Pơ ala kơ Ping gah, Kơnuk kơna, mơnuih ƀôn sang dêh čar Việt Nam, Khua git gai Ping gah dêh čar ta ơi Nguyễn Phú Trọng mơ-ĭt truh kơ Samdek Techo hăng ƀing khua mua Git gai Ping gah mơnuih ƀôn sang dêh čar Kur, Kơnuk kơna hăng mơnuih ƀôn sang dêh čar Kur hơdôm tơlơi djơ̆ pran jua hrom adơi ayong jê̆ giăm hăng tơlơi tơña bla sit nik kơ hơdôm anô̆ răm rai yua kơ klin Covid-19 ba truh ƀơi dêh čar Kur. Hăng phiăn juăt mut hrom, kĕ phĭ hrom, gum djru tơdruă kơplah wah dua Ping gah, dua Kơnuk kơna hăng mơnuih ƀôn sang dua bôh dêh čar, Việt Nam amrra gum hrom, djru gum, lăi pơthâo tơlơi găn rơgao amăng bruă mă hăng tơlơi kiăng pioh gum hrom hăng Kur amăng bruă pơgang, pơgăn klin Covid-19, kiăng dua bôh dêh čar ƀing ta gum hrom tañ ngă hơđong hĭ tơlơi anai./.

Siu H’ Prăk: Pô pơblang