VOV4.Jarai-Ơi Dương Văn Trang, ding kơna apăn bruă ping gah dêh čar, Khua git gai ping gah tơring čar Kon Tum nao ĕp lăng bruă wai lăng, pơgang pơđĭ kyar glai ƀơi să Đak Tăng, tơring glông Kon Plong. Khua git gai Ping gah tơring čar Kon Tum pơtă kơ să Đak Tăng khom wai lăng, pơgang klă 630 ƀĕ kyâo hơngô 5 pok hla amăng glai ră anai.

Yua dah djuai kyâo anai mă čai hăng kơtăk lu hloh kơ hơngô 3 pok hla, lăng kyâo hiam, djơ̆ hăng pơjeh kyâo pla amăng đang sang bruă, sang hră, anih tơdron čuă ngui. Ră anai, khul wai lăng anih ngă hmua ba yua boh thâo ia rơgơi Măng Đen hơmâo rah anah 400 phun kyâo hơngô 5 pok hla.

Khua git gai Ping gah Kon Tum rơkâo tơring glông Kon Plong ăt git gai Khul wai lăng anih ngă hmua ba yua boh thâo ia rơgơi Măng Đen rah anah pơjeh kyâo hơngô yom anai lu hloh pioh pla amăng tơring čar, bơwih brơi kơ bruă tuai čuă ngui, kơtưn anŏ tơ-ui, pơsir bruă mă, pơđĭ hnong pơhrui glăi kơ mơnuih ƀôn sang mơ̆ng bruă mă čai, mă kơtăk kyâo hơngô anai hăng mă yua kyâo ñu.

Nay Jek: Pơblang