VOV4.Jarai - Mơguah lơ 5/5, ƀơi Hà Nội, pơphun jơnum ngă lơphet 70 thun hrơi akŏ pơdong Sang bruă prăk Việt Nam (lơ 6/5/1951-6/5/2021) hăng čơkă mă Miđai Mă bruă mrô Sa. Khua git gai Ping gah ơi Nguyễn Phú Trọng nao pơhmư̆ hăng pơhiăp ƀơi mông jơnum. Hơdor glăi gru grua akŏ pơdong hăng pơđĭ kyar mơng Sang bruă prăk, Khua Sang bruă prăk Kơnuk kơna Việt Nam yă Nguyễn Thị Hồng lăi: Lăng glăi 70 thun rơgao, sang bruă prăk lêng kơdrưh yua hơdôm tơlơi dưi ngă, tơlơi gum pơgôp hăng bruă akŏ pơdong, pơđĭ kyar, pơgang ba Lŏn ia. Bơni kơ hơdôm tơlơi dưi ngă mơng sang bruă prăk, Khua git gai Ping gah ơi Nguyễn Phú Trọng lăi: Kiăng dưi pơđĭ kyar lŏn ia, sang bruă prăk hăng tơlơi gơgrong ngă phun akha mơng tơlơi bơwih ƀong kiăng pơtrut ngă bruă abih bang, gir run hloh dong, pơtrut đĭ tơlơi dưi ngă hăng tơlơi thâo thăi djă pioh lui đah mơng dưi ngă bruă truh kih; ngă bruă tơpă sit, khut khăt pơsir hĭ tơlơi dŏ tơdu aka ƀu dưi ngă, čơkă mă tơlơi gêh gal, ba lŏn ia ta pơđĭ kyar tañ hăng kơjăp hloh amăng rơnuk phrâo.

Siu H’Mai: Pơblang