VOV4.Jarai-Ăt amăng tal nao mă bruă hăng hơdôm jơnum min mơ̆ng anom bruă pơ ala mơnuih ƀôn sang dêh čar, lơ 26/4, ơi Vương Đình Huệ, Khua git gai pơ ala mơnuih ƀôn sang dêh čar mă bruă hăng khua Jơnum min djop bruă mơnuih mơnam, Jơnum min Tơlơi phiăn.

Pơhiăp ƀơi mông jơnum, ơi Vương Đình Huệ lăi lĕ, Jơnum min djop bruă mơnuih mơnam kiăng thâo hluh tong ten hloh bruă mă, tơlơi dưi mơ̆ng Jơnum min anai amăng djop bruă kah hăng bruă mă, pơsir bruă mă, bruă ia jrao, mrô mơnuih, tơlơi dŏ dong ƀong huă kơ mơnuih mơnam, pơgang anŏ tŭ yua kơ mơnuih mơnam, bruă bơkơnar đah rơkơi hăng đah kơmơi, khua mua apăn bruă đah kơmơi ngă pô pơ ala mơnuih ƀôn sang dêh čar…lêng kơ hơdôm tơlơi tơnap soh, amuñ bơbeč yua hăng anŏ bang hyu kơtang.

Khua git gai pơ ala mơnuih ƀôn sang dêh čar, ơi Vương Đình Huệ rơkâo, Jơnum min ƀu kơnong pơđing nao hơdôm tơlơi mơnuih mơnam đôč ôh, dŏ hơmâo djop bruă gơñu wai lăng pơdjơ̆ nao kơ mơnuih mơnam kah hăng tơlơi bơwih ƀong huă; ĕp glăi tơlơi phiăn pơkă; bơblih phrâo, pơđĭ tui anŏ tŭ yua hăng krăo lăng pơtrun ngă tui hơdôm tơlơi yom kơ lŏn ia, biă mă ñu khom ba jua anŏ suă pran mơ̆ng tơlơi hơdip pioh pơčrông sai amăng mông jơnum khua mua pơ ala mơnuih ƀôn sang dêh čar, amăng rĭm kơčăo bruă čih pơkra tơlơi phiăn.

Nay Jek: Pơblang