VOV4.Jarai - Tlam mơmŏt lơ 1/10, ƀơi Ƀirô mă bruă, Khua git gai pơ ala mơnuih ƀon sang dêh čar ơi Vương Đình Huệ nao pơhmư̆ mông lăi pơthâo kơ tơlơi pơsit bruă mă hăng tơlơi gơgrong laih dong pơphun bruă mă amăng anom bruă kơsem min čih pơkra tơlơi phiăn hăng jơnum lok sa amăng Khul kơsem min boh thâo phrâo mơng Jơnum min apăn bruă Khua pơ ala mơnuih ƀon sang dêh čar.

Ơi Vương Đình Huệ nao pơhmư̆ mông lăi pơthâo bruă mă mơng Anom bruă kơsem min čih pơkra tơlơi phiăn

Ơi Vương Đình Huệ pơpŭ kơ Anom bruă kơsem min čih pơkra tơlơi phiăn hơmâo pơplih phrâo kiăng kơ tŏ tui klă dong amăng bruă čih pơkra tơlơi phiăn, akŏ pơjing hơdră bruă yôm phun; pơpŭ kơ Jơnum min apăn bruă khua pơ ala mơnuih ƀon sang dêh čar hơmâo Khul kơsem min amăng rơwang thun 2021-2026. Kơ bruă mă mơng Anom bruă kơsem min čih pơkra tơlơi phiăn pơ anăp anai, Ơi Vương Đình Huệ rơkâo, Anom bruă kiăng kơ tañ ba tơbiă hơdôm tơlơi pơsit kơ bruă mă mơng hơdôm anom bruă bơdjơ̆ nao, hơdôm bruă jao pơkŏn dong tui tơlơi pơsit hơmâo jao, rơkâo ruah  dưm dăp glăi mơnuih apăn bruă. Sit biă ñu ruah mơnuih apăn bruă thâo rơgơi, pơtrut pơsur ƀing mơnuih djru bruă, jak iâu pơgôp tơlơi thâo thăi mơng ƀing rơgơi kơhnâo, mơng djop sang hră amăng bruă kơsem min.

Siu Đoan: Pơblang