VOV4.Jarai - Mơguah lơ 13/4, Khua git gai pơ ala mơnuih ƀon sang dêh čar ơi Vương Đình Huệ, Khua khul wai lăng bruă ruah khua dêh čar hrŏm hăng grup khua wai lăng, pel ĕp mơng Jơnum min apăn bruă pơ ala mơnuih ƀon sang dêh čar,  Khul khua wai lăng bruă ruah khua hơduah tơña, pel ĕp bruă prăp rơmet ruah khua pơ ala mơnuih ƀon sang dêh čar tal 15, Khua mua Jơnum min pơ ala mơnuih ƀon sang djŏp gưl rơwang thun 2021-2026 ƀơi să Kiến Thiết hăng tơring glông Tiên Lãng, ƀon prong Hải Phòng. Mơng bruă hơduah tơña, pel ĕp hăng hmư̆ tơlơi lăi pơthâo glăi mơng khua mua să Tiên Lãng, tơring glông Tiên Lãng, Khua git gai pơ ala mơnuih ƀon sang ơi Vương Đình Huệ, Khua wai lăng bruă ruah khua dêh čar git gai, Anom bruă git gai ruah khua ƀơi tơring glông, să kiăng ngă hrŏm kơjăp đah mơng dưi ngă klă djŏp bruă hơmâo jao; lăng glăi tŏng ten tal rơnuč dong hră čih anăn mơnuih nao plĕ hră, ƀu dưi pơgao lui pô hlơi ôh. Bruă prăp rơmet ruah khua hơmâo ngă djơ̆ hơdră, tui boh thâo phrâo, ngă amuñ brơi kơ mơnuih nao plĕ hră. Khua git gai pơ ala mơnuih ƀon sang dêh čar ơi Vương Đình Huệ pơtă hlâo, klin Covid-19 ƀơi rŏng lŏn tơnah ăt dŏ kơtang đôč. Khul wai lăng bruă ruah khua amra tañ pơtrun hră pơ-ar pơtô ba ruah khua tơdah klin Covid-19 aka ƀu tơdu, tui hluai kơ rim kual mơn đa mơng pơtô brơi kiăng djơ̆.

Siu H’Mai: Pơblang