VOV4.Jarai-Tlam lơ 14/5, ƀơi sang bruă khua pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar ơi Vương Đình Huệ tŭ jum khua anih jưh pơ ala dêh Kur, Chay Navuth, Khua anih jưh pơ ala dêh čar Japan, Yamada, Takio nao mă tơngan bưp ƀô̆ mơta.

Ƀơi mông tŭ jum khua anih jưh pơ ala dêh čar Kur, Chay Navuth, ơi Vương Đình Huệ lăi pơtong, Việt Nam lăng yom hăng pioh lu mông kơ bruă ngă kjăp tui tơlơi giăng mah hăng dêh čar Kur. Khua anih jưh pơ ala dêh čar Kur, Chay Navuth đăo kơnang, hăng bruă prăp lui tong ten ră anai, Việt Nam amra pơphun bruă plĕ hră ruah khua tŭ yua khua mua pơ ala dêh čar tal XV hăng ƀing pơ ala djop gưl rơwang bruă thun 2021-2026 lơ 23/5 pơ anăp.

Tŭ jum khua anih jưh pơ ala dêh čar Japan, Yamada Takio, ơi Vương Đình Huệ lăi, Việt Nam lăng dêh čar Japan jing gơyut ngă hrom sĭ mơdrô yom mrô sa, sui thun pơ anăp adih; dong yua dêh čar Japan pô gơgrong djru pơsir tơlơi rơnuk rơnua hăng pơđĭ kyar amăng kual laih anun amăng rŏng lŏn tơnah.

Khua git gai pơ ala mơnuih ƀôn sang dêh čar ơi Vương Đình Huệ čang rơmang dêh čar Japan djru ba ia jrao vaccine, ngă hrom pơtô brơi hơdră pơkra ming ia jrao vaccine pơhlôm pơgang klin Cơvid 19 kơ Việt Nam.

Nay Jek: Pơblang