VOV4.Jarai - Lơ 10/5, ƀơi tơring glông Tiên Lãng, Khua git gai pơ ala mơnuih ƀon sang dêh čar ơi Vương Đình Huệ hrŏm hăng ƀing tơbiă anăn ruah ngă Khua pơ ala mơnuih ƀon sang dêh čar tal 15 pơphun bưp mơnuih ƀon sang  hăng jak iâu plĕ hră ƀơi Anih plĕ hră mrô 3, ƀon prong Hải Phòng, hơmâo hơdôm boh kuâ̆n, tơring glông Kiến An, Dương Kinh, An Lão, Tiên Lãng hăng Vĩnh Bảo. Ƀơi mông jơnum, mơnuih ƀon sang tơring glông Tiên Lãng tŭ ư hăng jơlan hơdră ngă bruă mơng ƀing khua, laih dong đăo gơnang kơ ƀing hơmâo anăn ba ruah. Mơnuih ƀon sang čang rơmang ƀing dưi ngă khua amra pơtrut đĭ tơlơi rơgơi mơng ƀing gơñu, tơlơi gơgrong bruă mơng sa čô khua pơ ala mơnuih ƀon sang dêh čar, jê̆ giăm hăng mơnuih ƀon sang, pơhmư̆ hăng pơpŭ tơlơi pơgôp hiăp mơng mơnuih ƀon sang.

Khua git gai pơ ala mơnuih ƀon sang ơi Vương Đình Huệ lăi pơthâo hơdră ngă bruă mơng ñu.

Pơ ala kơ ƀing tơbiă anăn ruah ngă Khua pơ ala mơnuih ƀon sang dêh čar ƀơi anih plĕ hră mrô 3, Khua git gai pơ ala mơnuih ƀon sang dêh čar ơi Vương Đình Huệ bơni, hmư̆ tui tơlơi pơgôp hiăp mơng ƀing nao plĕ hră. Laih dong pơsit, tơdah dưi ngă khua amra ngă klă tơlơi gơgrong bruă mơng sa čô khua pơ ala, ngă tui tơlơi ƀuăn hăng mơnuih ƀon sang, biă ƀu lĕ jê̆ giăm hăng mơnuih ƀon sang, pơtrut nao rai tơlơi kiăng khăp mơng mơnuih ƀon sang hăng Khua git gai pơ ala mơnuih ƀon sang dêh čar.

Siu H’Mai: Pơblang