VOV4.Jarai - Mơguah lơ 12/4, ƀơi Hà Nội pơphun Jơnum lăi pơthâo Tơlơi pơtrun pơsit mơng Khua pơ ala mơnuih ƀôn sang kơ ruah Khua wai lăng bruă mă yua prăk Kơnuk kơna rơwang bruă 2016-2021 hăng jao bruă mơng Phun akha wai lăng prăk Kơnuk kơna mă yua. Pơ ala kơ khua mua git gai Ping gah grŭp Khua pơ ala mơnuih ƀôn sang, Jơnum min apăn bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hơ-ưč hmưi Khua wai lăng bruă mă yua prăk kak Kơnuk kơna ơi Trần Sỹ Thanh dưi hmâo Khua pơ ala mơnuih ƀôn sang ruah hmâo lu mơnuih tŭ ư. Khua git gai wai lăng pơ ala mơnuih ƀôn sang dêh čar ta ơi Vương Đình Huệ đăo gơnang lĕ, ơi Trần Sỹ Thanh hrom hăng lu mơnuih apăn bruă Ping gah, khul ping gah hăng ƀirô wai lăng prăk kơnuk kơna mă yua git gai dong bruă mă yua prăk kak kơnuk kơna ngă tui bruă yôm phăn dưi ruah hmâo pơsit. Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi rơđah, Bruă wai lăng mă yua prăk kak kơnuk kơna kiăng kơtưn đĭ gum hrom kơjăp hăng hơdôm bôh ƀirô apăn bruă amăng pel ĕp, pơsir hơdôm tơlơi ngă soh, đĭ tui bôh tơhnal kơdŏng pơgang hưp ƀong kông ngăn, prai prăk khưi khai, thâo, pơsir tơpă hơdôm tơlơi ngă soh, ƀu klă amăng bruă mă yua prăk ăt kah hăng amăng wai lăng, mă yua kông ngăn hăng prăk kak mơng Kơnuk kơna mơn./.

Siu H’ Prăk: Pô pơblang