VOV4.Jarai - Čơtlăm tom brơi lơ 13/5, ƀơi Ƀirô mă bruă Khua pơ ala mơnuih ƀôn sang dêh čar ta, Khua git gai wai lăng pơ ala mơnuih ƀôn sang dêh čar ta ơi Vương Đình Huệ tŭ jum Khua anih jưh pơ ala kơ dêh čar Lao ƀơi Việt Nam Sengphet Houngboungnuang. Khua git gai wai lăng pơ ala mơnuih ƀôn sang dêh čar ta ơi Vương Đình Huệ hơ-ư̆č hmưi hăng pơsit bruă dêh čar Lao hmâo pơphun truh kih klă hiam Jơnum prong tal 11 mơng Ping gah mơnuih ƀôn sang hơkrŭ dêh čar Lao hăng tal Jơnum lok sa, Khua pơ ala mơnuih ƀôn sang dêh čar Lao tal 9 hmâo ruah laih Grŭp git gai tal phrâo hmâo bôh thâo đăo gơnang hăng ba tơbiă lu bruă mă, hơdră bruă yôm phăn kơ rơwang bruă phrâo.

Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit, hơdră bruă ha sa, hlâo dơi jing mơng Việt Nam lĕ lăng yôm, đing nao hlâo prong hloh kơ tơlơi rô nao rai giăng mah prong prin, gum hrom hơbit pha ra hăng gum hrom abih bang kơplah wah Việt Nam hăng Lao. Khua anih jưh pơ ala kơ Lao ƀơi Việt Nam bơni kơ Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo pioh laih mông čơkă jum; pơdah pran jua đăo gơnang sit lĕ, gah yŭ tơlơi git gai mơng dua bôh dêh čar, tơlơi rô nao rai giăng mah, gum hrom hơbit pha ra, gum hrom abih bang amra jai hrơi jai pơđĭ kyar./.

Siu H’ Prăk: Pô pơblang