VOV4.Jarai-Mơguah lơ 26/4, ơi Phan Diễn, Khua Keh prăk mơnuih ƀôn sang djru pơhlôm-pơgang tơlơi truh lŏn adai ngă gah Anom kơsem min Kông ngăn hăng anih hơdip jum dar-Sang hră gưl prong dêh čar Hà Nội, ba jơlan hlâo nao mă bruă pơ tơring čar Gia Lai, pơčrông sai kơ bruă wai lăng, pơgang glai.

Grup khua mua keh prăk mơnuih ƀôn sang pơgang tơlơi truh lŏn adai ngă mă

Lăi pơthâo amăng mông mă bruă brơi ƀuh, 5 thun rơgao, đơ đam lŏn glai ƀơi Gia Lai hơmâo 25 rơbâo hektar. Truh thun 2020, hnong ngă tơ-ui amăng glai ƀơi tơring čar anai hơmâo rơbêh 46%; bruă mă wai lăng, pơgang glai rưng, pơhlôm, pơgang apui ƀong glai dưi pơđing nao lu biă mă. Pơhiăp ƀơi mông jơnum, Khua keh prăk mơnuih ƀôn sang pơgang hăng pơhlôm tơlơi truh lŏn adai ngă, ơi Phan Diễn lăi pơthâo tơlơi tơnap tap hlăk bưp.

Keh prăk anai, amra djru pơkra hơdră kơ mơnuih ƀôn sang amăng kual dưi ngă bruă pla kyâo sui thun pơhrua nao kơ bruă lui uă drôm kyâo; ƀudah pla kyâo amăng hmua plah wah amăng đang boh troh, đang kơphê kiăng pơhrui glăi hăng pơgang kyâo mơ̆n sa bit lŏn ngă hmua.

Khă tui anun, tơring čar ăt kiăng hơmâo jơlan hơdră djru hơdră bơwih ƀong huă kơ mơnuih ƀôn sang amăng hơdôm thun blung a phrâo pla kyâo, pơgang kyâo phrâo pla truh thun dưi mă yua.

Nay Jek: Pơblang