VOV4.Jarai - Amăng jơlan hơdră nao mă bruă ƀơi ƀôn prong Hồ Chí Minh, lơ 9/5, Khua mir sir dêh čar ta ơi Nguyễn Xuân Phúc hmâo nao čuă, ƀơk gơnam tam kơ sa dua bôh sang anô̆ gah hơdră bruă ƀơi tơring glông Củ Chi, ƀôn prong Hồ Chí Minh. Khua mir sir dêh čar ta ơi Nguyễn Xuân Phúc hmâo nao čuă, ƀơk brơi gơnam tam Ling tơhan sông kơtang mơnuih ƀôn sang Tô Văn Đực (anăn sit lĕ Tô Hoài Đức, tơkeng thun 1942) ƀơi să Nhuận Đức, tơring glông Củ Chi. Kiăo tui anun, ƀơi să Hoà Phú, Khua mir sir dêh čar ta nao čuă, ƀơk gơnam tam kơ dua bôh sang anô̆ gah hơdră bruă lĕ sang anô̆ ơi Bùi Văn Hiệp, tơkeng thun 1948, ling tơhan rơka ruă 1/4; sang anô̆ ơi Trần Hoàng Minh, tơkeng thun 1950, rơka ruă dăp tal 1/4. Khua mir sir dêh čar ta pơsit Ping gah, Kơnuk kơna hơdor pioh na nao hăng hơdor tơngiă pran jua tuh rơyuh mơng hơdôm ling tơhan rơka ruă, pơsăn drơi, sang anô̆ djru ngă hơkrŭ đưm hmâo djru laih drah kơtak kơ bruă pơlir hơbit lŏn ia./.

Siu H’ Prăk: Pô pơblang