VOV4.Jarai - Tlam 4/5, ƀơi Hà Nội, Khua mir sir dêh čar ta ơi Nguyễn Xuân Phúc git gai mông mă bruă hăng khua mua hơdôm anom bruă čih pơkra tơlơi phiăn hăng Ding jum kông ang kơ bruă ngă tui tơlơi phiăn pok tơbiă ƀing mơnă hlâo kơ thun pơkă thun 2018. Tui hăng tơlơi lăi pơthâo mơng ƀing khua mua nao jơnum, tơlơi phiăn pok tơbiă ƀing mơnă hlâo kơ thun pơkă thun 2018 hơmâo pơsir hĭ hơdôm anŏ aka ƀu klă mơng tơlơi phiăn pok tơbiă ƀing mơnă hlâo kơ thun pơkă thun 2007.

Tơlơi phiăn ăt hơmâo jao Kơnuk kơna pơkă tong ten sa, dua tơlơi mơng ƀing mơnuih rơkâo kiăng hrŏ ƀiă thun mă krư̆, hră pơ-ar rơkâo hrŏ ƀiă thun mă krư̆, hră pơ-ar rơkâo hrŏ ƀiă thun mă krư̆, tơlơi gơgrong mơng Jơnum min mơnuih ƀon sang tơring čar djop gưl, anom bruă bơdjơ̆ nao … Đĭ pơhiăp amăng mông jơnum, Khua mir sir dêh čar ta ơi Nguyễn Xuân Phúc git gai bruă pok pơhai bruă pơsit hrŏ ƀiă thun krư̆ amăng sang mơnă kiăng kơ djơ̆ hăng tơlơi pơkă, tơpă sit, djơ̆ tơlơi phiăn hăng ƀu brơi ngă soh glăi ôh. Lơ̆m hơmâo hơdră pơtrun sit nik mơng Ping gah, Kơnuk kơna kiăng gơgrong prap lui hră pơ-ar, hră pơsit, hră pơtô pơblang, ngă tui djơ̆ tơlơi phiăn pok tơbiă ƀing mơnă hlâo kơ thun pơkă thun 2018.

Siu Đoan: Pơblang