VOV4.Jarai - Khua mir sir ơi Nguyễn Xuân Phúc phrâo nao ngă lơphet pioh hơdor glăi 60 thun akŏ pơjing tơhan kông ang ngă bruă yôm (29/9) hăng jao miđai wai pơgang lŏn ia mrô II brơi kơ anom bruă Tơhan ngă bruă yôm, Ding jum kông ang.

Khua mir sir ơi Nguyễn Xuân Phúc jao Miđai wai pơgang lŏn ia mrô II brơi kơ anom bruă tơhan kông ang ngă bruă yôm - Ding jum kông ang

Đĭ pơhiăp amăng mông ngă lơphet, Khua mir sir lăng yôm djop rơnuk mơnuih apăn bruă amăng anom bruă tơhan kông ang ngă bruă yôm lêng kơ abih pran jua amăng ngă hơkrŭ, găn rơgao tơnap tap amăng rơnuk blah wang, tuh rơyuh pran jua, djai pơsăn drơi kiăng kơ pơgiong bruă jao, hơmâo lu tơlơi dưi prong prin amăng rơnuk blah ayăt Mi kah hăng thun blan rơngai, pơgôp ngă hiam tui gru grua sông kơtang mơng Kông ang Việt Nam. Khua mir sir rơkâo Anom bruă tơhan kông ang ngă bruă yôm tŏ ngă tui gru grua lĕ ling tơhan sông kơtang, pơjing Ping gah Anom bruă tơhan kông ang ngă bruă yôm hăng pơjing tơhan kông ang mă bruă tơpă sit tui tơlơi črâo ba, ngă hiam hăng thâo rơgơi amăng bruă mă.

Siu Đoan: Pơblang