VOV4.Jarai - Mơmot tom brơi lơ 19/4, Khua mir sir ơi Nguyễn Xuân Phúc git gai jơnum bơkơtuai Khua mua pơprong mơng Khul pơgang rơnuk rơnua Sang gum hơbit djŏp dêh čar lăng nao rai amăng tivi. Tơdơi kơ Khua mir sir ơi Nguyễn Xuân Phúc lăi pơthâo pơphun jơnum, hơmâo laih 7 čô khua đĭ pơhiăp: anun lĕ Khua čih pioh Sang gum hơbit djŏp dêh čar ơi Antonio Guterres, Khua ding jum pơtom hiăp dêh čar Brunei Darussalam, Dato Erywan Pehin Yusof, Khua mir sir Estonia Kersti Kaljulaid, Khua mir sir Kenya Uhuru Kenyatta, Khua ding jum pơtom hiăp dêh čar Khač ơi Vương Nghị, Khua djru bruă čih pioh Khul Arab Ahmed Aboul Gheith...Hrŏm hăng anun lĕ 15 tơlơi pơhiăp yôm pơkŏn mơng khua mua pơ ala kơ hơdôm boh dêh čar.  Pơhiăp ƀơi mông bơkơtuai, Khua čih pioh Sang gum hơbit djŏp dêh čar hăng khua mua amăng Khul pơgang rơnuk rơnua lăng yôm biă tơlơi pơmin mơng Việt Nam pơphun mông jơnum yôm tui anai.

Anih pơphun jơnum ƀơi Việt Nam.

Siu H’Mai: Pơblang