VOV4.Jarai-Tŭ ư tơlơi jak iâu mơ̆ng Khua mir sir dêh čar Mi, ơi Joe Biden, tlam mơmŏt lơ 22/4, ơi Nguyễn Xuân Phúc Khua mir sir jơnum hrom lăng nao rai amăng tivi amăng dua hrơi lơ 22 hăng lơ 23/4/2021 hăng khua mua pơprong amăng rŏng lŏn, hăng anŏ kiăng anăp nao pơtrut jar kmar khom pơdah thâo tơlơi ƀuăn rŏng kơtang hloh bong glăi hăng anŏ bơblih ayuh hyiăng ƀơi rŏng lŏn tơnah, pơgang hnong ayuh hyiăng lŏn tơnah ƀu rơgao kơ 1,5 đô̆ C ôh pơkă hăng hlâo kơ hơmâo lu măi mok, djơ̆ hăng tơlơi pơkôl Paris pơgang ayuh hyiăng.

Amăng hơdră jơnum, ơi Nguyễn Xuân Phúc Khua mir sir dêh čar ta amra hrom hăng Khua mir sir dêh čar Mi, ơi Joe Biden laih anun khua mir sir hơdôm dêh čar Español, Nigieria hăng Ba Lan jơnum laih anun hơmâo tơlơi đĭ pơhiăp amăng mông jơnum yom lăi nao “Hơdôm anŏ tŭ yua bơwih ƀong huă mơ̆ng Bruă ngă pơgang ayuh hyiăng lŏn tơnah” pơphun amăng mơmŏt lơ 23/4.

Nay Jek: Pơblang