VOV4.Jarai - Mơguah lơ 13/5, ƀơi Dinh Thống Nhất, ƀon prong Hồ Chí Minh, Khua mir sir ơi Nguyễn Xuân Phúc tŭ jum Grup khua git gai Khul đăo phơ̆t Việt Nam ƀrô Hrơi ngui ngor phật đản 2021- phật lịch 2565 yua ơi phơ̆t Thích Thiện Nhơn, Khua khul git gai đăo phơ̆t, ba jơlan hlâo hăng ƀing apăn bruă amăng Khul git gai Đăo Phơt Việt Nam. Thun anai, ƀing ơi phơ̆t, yă yơng, mơnuih tui đăo phơ̆t Việt Nam amra pơpŭ kơ hrơi Phật đản 2021 amăng tơlơi dŏ pơčlah mơnuih mơnam pơhlôm pơgang klin samơ̆ ăt hơmâo tơlơi yôm pơphăn mơn, kiăng abih bang mơ-ak amăng pran jua, gir găn rơgao tơlơi tơnap tap, gum tơngan pơđĭ kyar lŏn tơnah. Khua mir sir đăo gơang hăng čang rơmang Khul đăo phơ̆t Việt Nam gơgrong bruă na nao, gum akŏ pơdong khul pơlir hơbit djuai ania, hơdôm khul đăo thâo gum pơgôp, hơdip rơnôm; pơtrut đĭ pran kơtang mơng tơlơi đăo, mơng tơlơi ngă yang, mơng gru grua či pơđĭ kyar lŏn ia.

Siu H’Mai: Pơblang