VOV4.Jarai - Mơguah tom brơi (5/4), khua mir sir dêh čar ta ơi Nguyễn Xuân Phúc hơmâo tơlơi pơsit ƀơi anăp hla kơ dêh čar, ƀơi anăp Khua pơ ala mơnuih ƀon sang dêh čar hăng mơnuih ƀon sang đơ đam dêh čar ta. Tơlơi pơsit kơ bruă ruah ơi Nguyễn Xuân Phúc ngă khua mir sir dêh čar Việt Nam hơmâo Khua mua pơ ala mơnuih ƀon sang dêh čar dong yua hăng 468 amăng 468 čô khua mua dong yua.

Đĭ pơhiăp amăng mông đĭ apăn bruă tơdơi kơ mông ngă lơphet, Khua mir sir ơi Nguyễn Xuân Phúc ƀuăn amra gir run abih pran jua kiăng kơ ngă djơ̆ bruă jao djơ̆ Phiah phiăn, tơlơi phiăn hăng ngă pơgiong bruă jao mơng Ping gah, Kơnuk kơna hăng mơnuih ƀon sang. Lăi pơtong kơ tơlơi găn rơgao hrŏm hăng hơdôm bruă mă truh kih mơ̆ ƀing khua mua hlâo anun dưi ngă, anai lĕ hơdôm tơlơi yôm phăn kiăng ko Khua mir sir phrâo tŏ ngă tui hăng gir run pơgiong bruă jao brơi ñu lơ̆m ngă khua mir sir dêh čar ta.

Siu Đoan: Pơblang