VOV4.Jarai - Tŏ tui jơlan hơdră ngă bruă ƀơi ƀon prong Hồ Chí Minh, ƀrô Hrơi pioh kơ mơnuih apăn bruă bơwih ƀong sĭ mơdrô Việt Nam lơ 13/10, amăng lơ 12/10, Khua mkir sir ơi Nguyễn Xuân Phúc hơmâo bưp rơbêh 40 čô khua pơ ala kơ rơbêh 10 rơbâo čô mơnuih bơwih ƀong mơng Khul mơnuih hlăk ai apăn bruă bơwih ƀong Việt Nam. Khua mir sir thâo hluh kơ hơdôm tơlơi tơnap tap, tơlơi rơngiă rơngŏm mơng anom bơwih ƀong, mơnuih bơwih ƀong sĭ mơdrô Việt Nam yua klin kheng Covid-19 ngă hăng pơpŭ bơni hơdôm anom bơwih ƀong, mơnuih bơwih ƀong sĭ mơdrô mah tơnap tap samơ̆ ăt kiăo tui tơlơi jak iâu mơng Ping gah, Kơnuk kơna, gum djru ba tơlơi hơdip mơnuih ƀon sang.

Khua mir sir ơi Nguyễn Xuân Phúc bưp ƀing apăn bruă bơwih ƀong sĭ mơdrô

Kiăng pơtrut tui gru grua hiam mơng mơnuih apăn bruă bơwih ƀong Việt Nam, Khua mir sir ơi Nguyễn Xuân Phúc pơtă kơ ƀing hlăk ai bơwih ƀong rơgơi ƀơi Việt Nam 5 mơta tơlơi kiăng djă lui, anun lĕ pơtrut tui pran jua khăp kơ lŏn ia mơng rơnuk ơi yă đưm; gum pơgôp, pơdjru nao rai; ngă kơjăp tui tơlơi pơmin; thâo pơčeh phrâo kiăng hơmâo pran kơtang, đăo gơnang kơ bruă ngă mơng sit pô ta, tơlơi pơdrong asah mơng djuai ania ta hăng tơlơi đĭ kyar pơ anăp anai mơng lŏn ia ta.

Siu H’Mai: Pơblang